Svifvængjaflug yfir hraunbreiður Bláfjalla

Lýsing

Fullt verð með GoPro video 40.000,-
SUMARTILBOÐ:
40% hópafsláttur fyrir 6 og fleiri = 24.000,- á mann
+ samsett video úr flugi allra í hópnum FRÍTT með!

Við minnum á námskeiðs- og tómstundastyrki – og við tökum á móti Ferðagjöfinni!

Það er ævintýri líkast að svífa á svifvæng yfir mosavaxnar hraunbreiður og gíga Bláfjallasvæðins! Þar náum við allt að 900 metra lofthæð með útsýni til allra átta. Landslagið beinlínis lifnar við þar sem þú sérð hvernig hraunið hefur runnið og mótast undir dinglandi fótum þínum. Við höfum svo útsýni til Vestmannaeyja og Snæfellsness, yfir höfuðborgina og Reykjanesið, inn á hálendi og jökla og snertum svo skýjin þegar við svífum aftur til jarðar!

Við tökum af stað af flatlendi einsog hver önnur flugvél og notum til þess bíl með öryggisvottaðan togbúnað. Flugkennarinn hefur vænginn á loft, togstjórinn keyrir togvinduna af stað og spilar út línunni með stillanlegri togþyngd. Flugtakið er mjúkt og þægilegt, þú hefst á loft og hækkar flugið hratt og örugglega undir stjórn flugkennarans sem stýrir öllu úr baksætinu. Þú þarft ekki að gera annað en taka nokkur skref þar til þú gengur á loftinu. Þegar allt að 900 metra hæð er náð, örfáum mínútum síðar, sleppir flugkennarinn toglínunni og frjálst flug tekur við sem getur verið rólegt eða hasar eftir því hvað þú vilt. Þú getur fengið að prófa að stýra vængnum og kynnist grunnatriðum og aðdráttarafli svifvængjaflugs. Lendingin er svo mjúk og áreynslulaus á sama stað og við fórum í loftið.