Land á flekaskilum - Landmannalaugar, Lakagígar og Eldgjá

Lýsing

Hálendi Íslands er einstakt og nærri ógerðlegt að lýsa fegurð þess. Í þessar flugferð getur þú séð hversu margbreytilegt landslagið er, frá Skaftafelli höldum við í vesturátt, yfir Skeiðarárjökul á leið okkar yfir Lakagíga, Landmannalaugar, Langasjó ásamt fjölmargra annara náttúruperlna.

Lakagígar eru 25 km löng gígaröð sem myndaðist í einu mesta hraungosi sögunnar á árunum 1783-1784. Yfir þá 8 mánuði sem gosið varði er talið að 42 milljarðar tonn (14 km3) af basalt hrauni hafi runnið og eitruð aska og gosmóða leiddi til dauða 75% búfés Íslendinga og einn af hverjum fimm Íslendinga lést. Í dag eru gígarnir flestir huldir mosa, en þó má víða greina rautt og svart hraunið sem býr til ævintýralegan heim.

Frá Lakagígum liggur leið okkar yfir Landmannalaugar, svæði sem margir Íslendingar þekkja vel. Landmannalaugar eru rómaðar fyrir mikla náttúrufegurð og dásamlegar náttúrulaugar innan um litríkt berg, en þar er mikið um líparít, hrafntinnu og fleiri bergtegundir. Laugarhraun, sem skáli Ferðafélags Íslands stendur við, er eitt allmargra hrafntinnu- og líparíthrauna sem runnið hafa eftir Ísöld á svæðinu.

Frá Lakagígum og Landmannalaugum fljúgum við yfir Eldgjá, flennistóra gossprungu sem talið er að hafi myndast í stórgosi árið 934 sem stóð í nokkur ár. Litlar heimildir eru til um gosið en talið er að það hafi verið eitt mesta hraungos sem maðurinn hefur upplifað. Á fluglegiðinni má einnig gera ráð fyrir að sjá Langasjó, 20 km vatn sem talið er meðal tærustu fjallavatna á Íslandi og bíður upp á einstakt sjónarspil innan um grófan og nánast gróðurlausan jarðveg allt í kring. Hraunbreiður, jökulár og tær stöðuvötn einkenna flugleiðina og hjálpast að við að mynda stórbrotið hálendi Íslands.

Komdu með og upplifðu landið frá nýju sjónarhorni.