Jeppaferð á Reykjanesið

Lýsing

Hefur þig alltaf langað til að prufa jeppamennsku? Þér býðst nú einstakt tækifæri á að spreyta þig í keyrslu undir leiðsögn fagmanna og um leið upplifa Reykjanesið á nýjan hátt.

Við byrjum daginn í höfuðstöðvum Arctic Trucks með stuttri kynningu á dagskránni og því hvernig nota má breytta bíla og búnað þeirra við mismunandi aðstæður. 

Við höldum svo út úr bænum í átt að Reykjanesi. Þegar aðstæður fara að breytast mun hópurinn hjálpast að við að hleypa úr dekkjum og gera bílana klára fyrir þær hindranir sem eru framundan. Á Reykjanesinu er að finna ýmsa skemmtilega slóða og leiðir sem gera okkur kleift að spreyta okkur í keyrslu á breyttum jeppum. 

Við höldum svo aftur til Reykjavíkur þar sem ferðin endar.

Áætluð lengd ferðar: 5 klst (12:30-17:30)

Athugið: Lágmarks hópastærð 8 manns, áskilinn réttur til að aflýsa eða bjóða aðra dagsetningu ef ekki næst næg þátttaka. 4 farþegar saman á bíl, en leiðsögumaður passar uppá að skipt sé um bílstjóra svo allir sem vilja fá að upplifa keyrsluna. Bílaflotinn samanstendur af Toyota Hilux / Toyota Land Cruiser / Nissan Navara, AT38/40, en bílum er útdeilt af handahófi.

Ferðin verður í boði eftirfarandi föstudaga: 11. Júní / 18. Júní / 25. Júní / 3. Júlí / 10. Júlí / 17. Júlí / 24. Júlí / 7. Ágúst 

Sérferðir í boði aðra vikudaga, hafið samband við experience@arctictrucks.is til að bóka slíka ferð. Frábært fyrir fjölskyldur og vinahópa!