Dagsferð: Heimsókn á Hesteyri

Lýsing

Hesteyri er einn af þeim stöðum sem allir verða að heimsækja. Heimsókn á Hesteyri er frábær upplifun fyrir alla og sérstaklega fyrir þá sem vilja koma og sjá og heimsækja eitt best geymda leyndarmál Vestfjarða þar sem tíminn stendur í stað. Húsin eru frá því um aldamótin 1800/1900 og hafa flest staðið þar óbreitt frá því um miðja síðustu öld eða um 1952 þegar síðustu ábúendur Hesteyrar fluttu á brott. Hesteyri er sögusvið meðsölubókarinnar og bíómyndarinnar Ég Man Þig, eftir Yrsu Sigurðardóttur. Það er mikil upplifun fyrir þá sem hafa lesið bókina eða séð myndina að koma til Hesteyrar og skoða tökustaði sem og að upplifa Hesteyri í annarri og fegurri mynd.

Stoppað er á Hesteyri í ca 3 klukkutíma sem er nægur tími til að skoða sig um, sjá öll gömlu húsin, hvalstöðina, íshellinn (júlí) og þyggja veitingar í Læknishúsinu t.d. fiskisúpu í hádeginu, kaffi og nýbakaðar pönnukökur. Í Læknishúsinu er vertinn enginn annar en Hrólfur Vagnsson, besti harmónikkuleikari Íslands fyrr og síðar. Oftar en ekki tekur hann fram harmónikkuna eða hið forna íslenska hljóðfæri, langspil og leikur fyrir gesti. Brottfarartími frá Hesteyri er yfirleitt um 3 klukkutímum eftir komu þangað.

Á Hesteyri er eins og tíminn hafi staðið í stað sl. 65 ár, en þaðan fluttu síðustu íbúarnir árið 1952 en þeir voru um 80 þegar best lét. Húsin á Hesteyri voru flest byggð í kringum 1900 en mörg húsanna standa þar enn í sinni upprunalegu mynd enda er þeim haldið við í dag sem sumarhúsum. Eitt þeirra, Læknishúsið er í dag rekið sem kaffihús með heimsins bestu nýbökuðum pönnukökum eins og margir segja, auk þess sem boðið er uppá gistingu fyrir gesti og gangandi. Oftar en ekki er boðið uppá heimsklassa tónlist í læknishúsinu en vert hússins, Hrólfur Vagnsson hefur um árabil verið talinn lang besti harmonikkuleikari landsins.

Frá Hesteyri er aðeins um 30-45 mínútna gangur að Hvalstöðinni Stekkeyri sem Norðmenn byggðu 1894, en skorsteinninn stendur þar enn ásamt hluta bygginganna. Á Stekkeyri er margt að skoða, þar má líka oft sjá tófu enda er vitað um greni í gömlu þrónum. Tófan lætur líka oft sjá sig við Læknishúsið þar sem hún kemur oft á tíðum í kvöldmat.

Nálægt skólanum á Hesteyri er kirkjugarðurinn en þar er að finna minnisvarða um kirkjuna sem stolið var frá Hesteyringum í boði þáverandi biskups Íslands,
Sigurbjörns Einarsson. Ofan við Hesteyri er á vorin og frameftir sumri hægt að skoða gríðarlega fallegan íshelli sem myndast ár hvert en þangað er ca 15-30 mínútna gangur frá Hesteyri. Hesteyri er annars viðkomustaður flestra sem ganga um Hornstrandir, annaðhvort er byrjað þar, eða endað, nema hvort tveggja sé. Vinsælast er að ganga milli Hesteyrar og Aðalvíkur en auk þess er hægt að ganga yfir á Sléttu eða Hlöðuvík þar sem farið er um hið fagra Kjaransvíkurskarð.

Ofan við Hesteyri er á vorin og frameftir sumri hægt að skoða gríðarlega fallegan íshelli sem myndast ár hvert en þangað er ca 15-30 mínútna gangur frá Hesteyri. Hesteyri er annars viðkomustaður flestra sem ganga um Hornstrandir, annaðhvort er byrjað þar, eða endað, nema hvort tveggja sé. Vinsælast er að ganga milli Hesteyrar og Aðalvíkur en auk þess er hægt að ganga yfir á Sléttu eða Hlöðuvík þar sem farið er um hið fagra Kjaransvíkurskarð.